BBC. ԱՄՆ-ը քննարկում է Գրենլանդիայում նոր ռազմաբազաների բացման հարցը

BBC-ն՝ հղում անելով աղբյուրներին, հաղորդում է, որ Թրամփի վարչակազմի պաշտոնյաները բանակցություններ են վարում Գրենլանդիայում երեք նոր ռազմական բազաների բացման շուրջ։

ԱՄՆ-ն հետաքրքրված է Գրենլանդիայի հարավում՝ Հյուսիսային Ատլանտիկան վերահսկելու համար, և մտադիր է ապահովել նոր բազաների կարգավիճակը որպես ամերիկյան ինքնիշխան տարածք։ Բանակցություններ են ընթանում դանիական և գրենլանդական իշխանությունների հետ։

Կոնկրետ համաձայնություններ դեռևս ձեռք չեն բերվել։ Ենթադրվում է, որ նոր բազաներից մեկը կարող է տեղակայվել Նարսարսուակ բնակավայրում, որտեղ սառը պատերազմի ժամանակ գտնվում էր ամերիկյան ռազմական օբյեկտ, որը ծառայում էր որպես օդանավակայան։ BBC-ի աղբյուրները կարծում են, որ Գրենլանդիայում ԱՄՆ այլ նոր ռազմական օբյեկտներ, հավանաբար, կտեղակայվեն անհրաժեշտ տրանսպորտային ենթակառուցվածքներ ունեցող վայրերում՝ ծախսերը կրճատելու համար։