Նավթի գները կտրուկ աճել են ԱՄՆ–Իրան բանակցությունների ձախողման ֆոնին

Համաշխարհային շուկաներում նավթի գները զգալի աճ են գրանցել այն բանից հետո, երբ ԱՄՆ-ի և Իրանի միջև բանակցությունները կրկին փակուղի են մտել։ Investing-ի տվյալներով՝ Brent տեսակի նավթի գինը մայիսի 12-ի առևտրի ընթացքում աճել է 3,5 տոկոսով՝ հասնելով մեկ բարելի դիմաց 107,86 դոլարի։

Առավելագույն պահին Brent-ի արժեքը նույնիսկ գերազանցել է 108 դոլարը։ Վերլուծաբանների կարծիքով՝ շուկաները լարված արձագանքել են Վաշինգտոնի և Թեհրանի միջև շարունակվող տարաձայնություններին՝ կապված Մերձավոր Արևելքում հրադադարի պայմանների հետ։ Իրանը պահանջում է անհապաղ վերացնել ծովային շրջափակումը, փոխհատուցել հասցված վնասները և վերականգնել նավթի արտահանումը Հորմուզի նեղուցով, մինչդեռ ԱՄՆ-ը չի ընդունում այդ պայմանները։

Ֆոնին ԱՄՆ նախագահ Դոնալդ Թրամփը հայտարարել էր, որ տարածաշրջանում ժամանակավոր հրադադարը վտանգված է Իրանի «անզիջում դիրքորոշման» պատճառով։ Մասնագետները զգուշացնում են, որ եթե Հորմուզի նեղուցի շուրջ ճգնաժամը խորանա, համաշխարհային նավթի գները կարող են մինչև տարվա վերջ հասնել պատմական նոր ռեկորդների։ Goldman Sachs ներդրումային բանկի վերլուծաբանները արդեն չեն բացառում նման սցենարը։