Իրանում մահապատժի են ենթարկել Իսրայելի հետախուզության համար աշխատելու մեջ մեղադրվող տղամարդու

Իսրայելի հետախուզական գործակալություն Մոսսադի համար աշխատելու մեղադրանքով ձերբակալված Էհսան Աֆրեշթեհը մայիսի 13-ի առավոտյան Իրանի Գերագույն դատարանի կողմից դատապարտվել է մահվան և կախաղան բարձրացվել, հաղորդում է Իրանի պետական ​​հեռուստաընկերությունը։

Նշվում է, որ Աֆրեշթեհը Նեպալում Մոսսադի կողմից հատուկ վերապատրաստում է անցել և իսրայելական հետախուզության հետ համագործակցության ընթացքում տիրապետել է երեք լեզվի՝ անգլերեն, ֆրանսերեն և եբրայերեն։

Քննիչների տվյալներով՝ իրանցին Իսրայելի հետախուզական գործակալությունում օգտագործել է «Ջեյմս» կեղծանունը և կապ է պահպանել էլեկտրոնային փոստի և տարբեր հաղորդագրությունների հավելվածների միջոցով։ Նա իր առաջին Մոսսադի առաջադրանքները կատարել է ինտերնետային տաքսու վարորդի անվան տակ։