Հունգարիայի նոր վարչապետը պաշտոնական նպատակներով կօգտագործի Skoda Superb մակնիշի մեքենա

Հունգարիայի նոր վարչապետ Պետեր Մադյարը հայտարարել է, որ պաշտոնական նպատակներով կօգտագործի Skoda Superb մակնիշի մեքենա։

«Որպես վարչապետի պաշտոնական մեքենա՝ ես կօգտագործեմ Skoda Superb-ը, որը հայտնի դարձավ ամբողջ երկրի մարդկանց իմ ընտրարշավի ընթացքում։ Ես նաև չեմ տեղափոխվի կառավարական պաշտոնական նստավայր», - գրել է նա Ֆեյսբուքյան իր էջում։

Մադյարը հրապարակել է իր կապույտ Skoda Superb-ի լուսանկարը, որը նա օգտագործում է վերջերս։ Ինչ վերաբերում է նրա անձնական տանը, հունգարական լրատվամիջոցների փոխանցմամբ, այն գտնվում է Բուդապեշտի ամենահեղինակավոր թաղամասերից մեկում՝ Բուդա բլուրների վրա։

Հունգարիայի նոր կառավարությունը իշխանության գալու առաջին օրերից փորձում է ցուցադրել համեստություն՝ պնդելով, որ իր նախորդները տրվել են չափազանց շքեղության, այդ թվում՝ կառավարական նախարարությունների և գործակալությունների գրասենյակային շենքերում։