Պատերազմի մեկ օրը Ուկրաինային արժենում է գրեթե 450 միլիոն դոլար․ ԱԳՆ Սիբիգա

Ռազմական գործողությունների մեկ օրը Ուկրաինային արժենում է մոտ 450 միլիոն դոլար։ Այս մասին ասել է երկրի արտաքին գործերի նախարար Անդրեյ Սիբիգան, մեջբերում է ՌԻԱ Նովոստին։

Ուկրաինայի արտաքին գործերի նախարարը նաև նշել է, որ 2026 թվականը կարող է լինել «խաղաղության վճռորոշ տարի» իր երկրի համար, սակայն դա կպահանջի Միացյալ Նահանգների ակտիվ մասնակցությունը։

Ապրիլի 22-ին Եվրամիությունը հաստատեց Ուկրաինայի համար 90 միլիարդ եվրոյի վարկային փաթեթ, որը ընդգրկում է 2026-2027 թվականները։ Ընդհանուր գումարից 60 միլիարդ եվրոն նախատեսված է զենքի գնման համար, իսկ մնացած 30 միլիարդ եվրոն կֆինանսավորի Ուկրաինայի բյուջետային կարիքները։ ԵՄ անդամ պետությունները, ինչպես սպասվում է, իրենք են պատասխանատու պարտքի սպասարկման համար, քանի որ Կիևը չի կարողանում կատարել իր պարտավորությունները։