Իրանը ԱՄԷ-ն անվանել է երկրորդ Իսրայել՝ հրեական պետությանը աջակցելու պատճառով

Իրանի խորհրդարանի նախագահության խոսնակ Ալիռեզա Սալիմին հայտարարել է, որ Միացյալ Արաբական Էմիրությունները (ԱՄԷ) կարող են համարվել երկրորդ Իսրայել՝ հրեական պետությանը ցուցաբերած աջակցության շնորհիվ։

«ԱՄԷ-ն, ըստ էության, կարող է համարվել երկրորդ Իսրայել, քանի որ «ռազմական» Իսրայելը գտնվում է օկուպացված պաղեստինյան տարածքներում, իսկ Աբու Դաբին համարվում է Իսրայելի տնտեսական թևը», - նրա խոսքերը մեջբերել է Իրանի խորհրդարանի մամուլի ծառայությունը։

Սալիմիի խոսքով՝ ԱՄԷ իշխանությունները չունեն ժողովրդական աջակցություն և վաղուց դադարել են պաշտպանել երկրի շահերը, ինչի արդյունքում նրանք ստիպված են հույսը դնել ուրիշների վրա և խաղալ ԱՄՆ-ի և Իսրայելի հետ։