Գիտնականները խոսել են հանտավիրուսի «զրոյական պացիենտի» մասին

Ռուս վիրուսաբան Ալեքսանդր Չեպուրնովը նոր մանրամասներ է հայտնել MV Hondius զբոսանավում տարածված Andes հանտավիրուսի դեպքի մասին՝ ներկայացնելով նաև «զրոյական պացիենտի» հավանական նկարագիրը, հայտնում է «Комсомольская правда» ռադիոն։

Մասնագետի խոսքով՝ առաջին վարակվածը մոտ 70 տարեկան մարդ է եղել, որը մինչև նավարկությունը մասնակցել է թռչնաբանական արշավի և հավանաբար հենց այնտեղ է վարակվել։ Գիտնականները ենթադրում են, որ նա շփվել է մեծ քանակությամբ կրծողներ ունեցող տարածքներում, որոնք համարվում են հանտավիրուսի հիմնական փոխանցողները։

Չեպուրնովը նշել է, որ այժմ հիմնական մտահոգությունն այն է, որ վիրուսը կարող էր սկսել փոխանցվել արդեն ուղևորների միջև։ Նրա խոսքով՝ եթե հաստատվի «զրոյական պացիենտի» տարբերակը, ապա իրավիճակը կարող է ավելի լուրջ դառնալ, քանի որ վարակման արդեն երրորդ շղթան կարող է ձևավորվել։ Միևնույն ժամանակ այլ մասնագետներ ընդգծում են, որ Andes հանտավիրուսի համաշխարհային պանդեմիայի հավանականությունը չափազանց ցածր է։