Օրբանը հույս է հայտնել, որ նոր իշխանությունները չեն «կործանի» իր 16 տարվա ժառանգությունը

Հունգարիայի նախկին վարչապետ Վիկտոր Օրբանը հայտարարել է, որ հույս ունի՝ երկրի նոր լիբերալ կառավարությունը չի վատնի այն արդյունքները, որոնց իր իշխանությունը հասել էր վերջին 16 տարիների ընթացքում, գրում է X սոցիալական ցանցում Օրբանի գրառման մասին։

Օրբանը նշել է, որ իրենց «ձեռքբերումները խոսում են ինքնին իրենց մասին» և ընդգծել է, որ այժմ Հունգարիան ղեկավարում է լիբերալ կառավարություն։ Նրա խոսքով՝ մնում է միայն հուսալ, որ նոր իշխանությունները կպահպանեն այն, ինչ ստեղծվել էր «հայրենասիրական ուժերի» կառավարման տարիներին։

Վիկտոր Օրբանը մայիսի 9-ին լքել էր վարչապետի պաշտոնը, որը զբաղեցնում էր 2010 թվականից։ Հունգարիայի խորհրդարանը վարչապետ էր ընտրել «Տիսա» կուսակցության առաջնորդ Պետեր Մադյարին, որի քաղաքական ուժը հաղթել էր ապրիլյան խորհրդարանական ընտրություններում։