Bloomberg․ Հնդկաստանը կարող է հրաժարվել ռուսական նավթից

Եթե ԱՄՆ-ը մայիսի 16-ից հետո չերկարաձգի բացառությունը, որը թույլ է տալիս Հնդկաստանին գնել ռուսական նավթ, ապա հնդկական նավթավերամշակող գործարանները ստիպված կլինեն հրաժարվել այդ ներմուծումից, հայտնում է Bloomberg-ը։

Աղբյուրների համաձայն՝ Վաշինգտոնը դեռ վերջնական որոշում չի հայտնել, սակայն ներկայում գործող թույլտվության ժամկետը լրանում է հենց մայիսի 16-ին։ Միևնույն ժամանակ Kpler ընկերության տվյալներով՝ մայիսին ռուսական նավթի մատակարարումները Հնդկաստան հասել են ռեկորդային մակարդակի՝ օրական 2,3 միլիոն բարելի։

Bloomberg-ը նշում է, որ Իրանի շուրջ ճգնաժամը լրջորեն փոխել է նավթի համաշխարհային շուկան։ Պարսից ծոցից նավթի մատակարարումները կրճատվել են, ինչից հետո ԱՄՆ-ը ժամանակավորապես թույլատրել էր Հնդկաստանին գնել ռուսական նավթ՝ գների կտրուկ աճը զսպելու նպատակով։ Ավելի վաղ ԱՄՆ ֆինանսների նախարար Սքոթ Բեսենտը հայտարարել էր, որ Վաշինգտոնը չի պատրաստվում երկարաձգել պատժամիջոցների մեղմացումը, սակայն նախագահ Donald Trump-ը հետագայում չէր բացառել նման հնարավորությունը։