Մեկ շաբաթում ծնվել է երեք «թագավորական» երկվորյակ

Ռուսաստանի Պրիմորիեի երկրամասում մեկ շաբաթվա ընթացքում ծնվել է միանգամից երեք «թագավորական» երկվորյակ, հայտնում է Պրիմորիեի առողջապահության նախարարությունը։

«Թագավորական երկվորյակ» անվանումը տրվում է այն դեպքերում, երբ ընտանիքում միաժամանակ ծնվում են տղա և աղջիկ։ Մայիսի 4-10-ն ընկած ժամանակահատվածում տարածաշրջանի ծննդատներում ընդհանուր առմամբ ծնվել է 247 երեխա՝ 128 տղա և 119 աղջիկ։

Տարածաշրջանի առողջապահության նախարարությունում նշել են, որ բազմազավակ ընտանիքների թիվը շարունակում է աճել։ Միայն այդ շաբաթվա ընթացքում 47 ընտանիք դարձել է բազմազավակ, իսկ որոշ ընտանիքներում լույս աշխարհ են եկել արդեն չորրորդից մինչև ութերորդ երեխաները։