Բրիտանական մամուլը հայտնում է Սթարմերի դեմ հնարավոր ներքին պայքարի մասին

Մեծ Բրիտանիայի առողջապահության նախարար Ուես Սթրիթինգը, ըստ մամուլի տեղեկությունների, պատրաստվում է հրաժարական տալ և փորձել հեռացնել վարչապետ Քիր Սթարմերին Լեյբորիստական կուսակցության ղեկավարի պաշտոնից, գրում է The Times-ը։

Պարբերականի աղբյուրների համաձայն՝ Սթրիթինգը նման որոշում է կայացրել Սթարմերի հետ Դաունինգ սթրիթում ունեցած 16 րոպեանոց հանդիպումից հետո։ Նշվում է, որ նա արդեն իր կողմնակիցներին հայտնել է հնարավոր հրաժարականի և կուսակցության նոր ղեկավար ընտրելու գործընթաց սկսելու մտադրության մասին։

Ավելի վաղ բրիտանական լրատվամիջոցները գրել էին, որ կառավարության մի շարք նախարարներ դժգոհ են Սթարմերի քաղաքականությունից և կարող են առաջիկա նիստի ընթացքում նրան առաջարկել հեռանալ պաշտոնից։ Պաշտոնական հաստատում այս տեղեկությունները դեռ չեն ստացել։