Միջազգային էներգետիկ գործակալությունը ծանր կանխատեսում է արել նավթի շուկայի համար

Միջազգային էներգետիկ գործակալությունը (IEA) կանխատեսում է, որ համաշխարհային նավթի շուկայում դեֆիցիտը կպահպանվի առնվազն մինչև 2026 թվականի հոկտեմբեր, հայտնում է ՄԷԳ-ի մայիսյան զեկույցը։

Փորձագետների գնահատմամբ՝ այս տարի համաշխարհային նավթի առաջարկը օրական մոտ 1,78 միլիոն բարելով պակաս կլինի պահանջարկից։ Հիմնական պատճառներից մեկը շարունակում է մնալ Իրանի կողմից Օրմուզի նեղուցի երկարատև արգելափակումը, որի միջոցով նախկինում անցնում էր նավթի համաշխարհային մատակարարումների զգալի մասը։

Զեկույցում նշվում է, որ ԱՄՆ-ի և Իսրայելի ռազմական գործողություններից հետո շուկան կորցրել է Պարսից ծոցի երկրներից մատակարարվող ավելի քան մեկ միլիարդ բարել նավթ, իսկ օրական մատակարարումները կրճատվել են ավելի քան 14 միլիոն բարելով։ Այս ֆոնին Brent տեսակի նավթի գինը ժամանակավորապես հասել էր 120 դոլարի մեկ բարելի համար, իսկ այժմ պահպանվում է 107-108 դոլարի սահմաններում։ Վերլուծաբանների կարծիքով՝ մինչև տարեվերջ նավթի գները դժվար թե վերադառնան նախաճգնաժամային մակարդակին։