Եվրամիությունը պատրաստակամություն է հայտնել Ուկրաինայում կարգավորման ընթացքում հետևել հրադադարի ռեժիմին

Եվրոպական դիվանագիտության ղեկավար Կայա Կալլասը հայտարարել է, որ Եվրամիությունը պատրաստ է օգտագործել արբանյակներ՝ հրադադարի ռեժիմը վերահսկելու համար, եթե Ուկրաինայում խաղաղություն հաստատվի։

Նրա խոսքով՝ Բրյուսելը շարունակում է աշխատել այն անվտանգության երաշխիքների վրա, որոնք Կիևը կստանա Ռուսաստանի և Ուկրաինայի միջև խաղաղության համաձայնագրի կնքումից հետո։

«Սա ներառում է ԵՄ արբանյակային կենտրոնի ամրապնդումը, որպեսզի այն կարողանա նաև աջակցություն ցուցաբերել հրադադարի ռեժիմի մոնիթորինգին», - ասել է Կալլասը։