Եվրոպական երեք երկրների նախագահները կոչ են արել բանակցություններ սկսել Ռուսաստանի հետ

Սլովակիայի, Չեխիայի և Ավստրիայի նախագահներ Պիտեր Պելեգրինին, Պետր Պավելը և Ալեքսանդր Վան դեր Բելենը կոչ են արել Ուկրաինայի հարցով երկխոսություն հաստատել Եվրամիության և Ռուսաստանի միջև։ Այս մասին հայտարարել է Սլովակիայի առաջնորդը Սլավկովի ձևաչափով հանդիպումից հետո, հաղորդում է ՌԻԱ Նովոստին։

«Մենք քննարկել ենք Ուկրաինայում ռազմական հակամարտությունը և Ռուսաստանի հետ եվրոպական մակարդակով քննարկում սկսելու անհրաժեշտությունը։ Մենք չենք կարող թույլ տալ, որ խաղաղության երկխոսությունը վարի բացառապես Միացյալ Նահանգները», - ասել է Պելեգրինին։

Նրա խոսքով՝ Բրյուսելը պետք է նշանակի Ռուսաստանի հետ բանակցությունների համար հավաստի ներկայացուցիչ, հակառակ դեպքում Եվրոպան կմնա դիտորդի դերում՝ հետևելով միայն այն բանին, թե ինչ համաձայնությունների են հասնում Վաշինգտոնը, Մոսկվան և Կիևը։