Ավստրիան ամերիկյան ինքնաթիռների պատճառով` կործանիչներ է բարձրացրել օդ

Ավստրիայի պաշտպանության նախարարությունը Eurofighter կործանիչներ է բարձրացրել՝ ԱՄՆ ռազմաօդային ուժերի ինքնաթիռների՝ Ավստրիայի օդային տարածք մուտք գործելու պատճառով։ Այս մասին X սոցիալական մեդիա հարթակում հայտարարել է պաշտպանության նախարարության խոսնակ Միխայել Բաուերը։

«Երկու Eurofighter կործանիչների ակտիվացում և տեղակայում՝ ԱՄՆ ռազմաօդային ուժերի PC12 երկու ինքնաթիռների թռիչքի պատճառով», - գրել է Բաուերը։

Ըստ 20 Minuten-ի՝ սա վերջին երկու օրվա ընթացքում երկրորդ նմանատիպ միջադեպն է։