Գերմանական մամուլը գրել է Եվրոպային ուղղված Պուտինի «ազդանշանի» մասին

Գերմանական Tagesspiegel-ը գրում է, որ Ռուսաստանի նախագահ Վլադիմիր Պուտինի կողմից Գերմանիայի նախկին կանցլեր Գերհարդ Շրյոդերին որպես հնարավոր բանակցող առաջարկելը քաղաքական ազդանշան էր՝ առաջին հերթին Եվրոպային ուղղված։

Պարբերականի գնահատմամբ՝ այս քայլով Մոսկվան փորձում է ցույց տալ, որ Ուկրաինայի շուրջ հնարավոր բանակցությունները կարող են ավելի մեծ չափով անցնել եվրոպական վերահսկողության տակ և չմնալ բացառապես ԱՄՆ-ի պատասխանատվության գոտում։ Հոդվածում նշվում է, որ Ռուսաստանում Շրյոդերին դիտարկում են ոչ թե պարզապես նախկին կանցլերի կամ լոբբիստի, այլ եվրոպական շահերը պաշտպանելու ունակ գործչի տեսանկյունից։

Tagesspiegel-ը նաև նշում է, որ այս ուղերձը հասցեագրված էր ոչ միայն Բրյուսելին, այլև Վաշինգտոնին և Կիևին։ Միևնույն ժամանակ Մեծ Բրիտանիայի թագավոր Չարլզ III-ը հայտարարել է, որ Լոնդոնը շարունակելու է աջակցել Ուկրաինային և հավատարիմ մնալ ՆԱՏՕ-ին։