Բիյոնսեի շրջագայության ժամանակ աղմկահարույց գողություն էր եղել․ կա դատավճիռ

41-ամյա Քելվին Էվանսը դատարանում մեղավոր է ճանաչվել մեքենա ներխուժելու և ապօրինի մուտքի մեղադրանքներով։ Դատարանը նրան դատապարտել է 2 տարվա ազատազրկման, ինչպես նաև ևս 3 տարվա պայմանական վերահսկողության։ Դեպքը տեղի է ունեցել 2025 թվականի հուլիսի 8-ին՝ ԱՄՆ-ի Աթլանա քաղաքում, հենց այն ժամանակ, երբ Բիոնսեի Cowboy Carter համերգային շրջագայությունը հասնում էր Ատլանտա։

Էվանսը պատահական ընտրությամբ կոտրել է Jeep Wagoneer մակնիշի վարձակալած մեքենան, որը օգտագործում էին Բեյոնսեի պարուսույց Քրիստոֆեր Գրանտն ու պարող Դիանդրե Բլյուն։ Երբ նրանք վերադարձել են, մեքենայի հետևի ապակին արդեն ջարդված էր, իսկ ուղեբեռը՝ անհետացած։Գողացված իրերի թվում եղել են երկու MacBook նոթբուք, Apple ականջակալներ, թանկարժեք հագուստ և աքսեսուարներ, ինչպես նաև կոշտ սկավառակներ, որոնցում պահվում էին Բեյոնսեի դեռ չթողարկված երաժշտական նյութերը։

Չնայած քննությանը՝ գողացված կոշտ սկավառակներն ու մյուս իրերը մինչ օրս չեն հայտնաբերվել։ Դատարանի որոշմամբ՝ Էվանսին արգելվել է մոտենալ տուժածներին և այն ավտոկայանատեղիին, որտեղ կատարվել էր գողությունը։ Նա կալանքի տակ էր պահվում դեռ անցյալ տարվա օգոստոսից։