Նորվեգիայի ՊՆ-ն հանդիպումներ կանցկացնի ռուս զինծառայողների հետ

Նորվեգիայի զինված ուժերի մամուլի քարտուղար Ռունե Հաարստադը «Իզվեստիային» հայտնել է, որ նորվեգական զինվորականները մտադիր են բանակցություններ վարել իրենց ռուս գործընկերների հետ Արկտիկայում կայունության պահպանման վերաբերյալ։

Նրա խոսքով՝ հանդիպումներ են նախատեսվում ինչպես օպերատիվ, այնպես էլ ռազմավարական մակարդակներում։

Հաարստադը ընդգծել է, որ Վերին Հյուսիսում գործող ռուս և նորվեգացի անձնակազմի անվտանգության ապահովումը նպաստում է Արկտիկական տարածաշրջանի անվտանգության և կայունության պահպանմանը։ Հետևաբար, չնայած Ռուսաստանի հետ շփումները նվազագույնի են հասցվում, պարբերաբար հանդիպումներ են անցկացվում փոխադարձ կարևորության հարցերի շուրջ։ Մասնավորապես, ամենամյա հանդիպումներ են անցկացվում ռուս սահմանապահների հետ, և պահպանվում է ոչ գաղտնի ուղիղ կապ Ռուսաստանի Հյուսիսային նավատորմի հրամանատարի հետ։ Նորվեգիայի և Ռուսաստանի միջև ծովում միջադեպերի կանխարգելման վերաբերյալ համաձայնագրի համաձայն՝ կողմերը քննարկում են միմյանց մոտ գործող նավերի անվտանգության բարելավման հարցը։