Բալթիկ ծովի վրա ռուսական Իլ-20 են որսացել․ Լեհաստանի ՊՆ

Լեհաստանի ռազմաօդային ուժերի կործանիչները Բալթիկ ծովի վրա միջազգային օդային տարածքում որսացել են ռուսական Իլ-20 էլեկտրոնային հետախուզական ինքնաթիռ։ Այս մասին իր X սոցիալական ցանցի էջում հայտարարել է Լեհաստանի պաշտպանության նախարար Վլադիսլավ Կոսինյակ-Կամիշը։

Նրա խոսքով՝ ռուսական ինքնաթիռը թռչում էր՝ առանց միացված տրանսպոնդերի։

Իր գրառման տակ Կոսինյակ-Կամիշը հրապարակել է ծովի վրայով թռչող Իլ-20 ինքնաթիռի լուսանկարը՝ RF-95671 պոչի համարով։