Իրանի պատերազմի ֆոնին Թուրքիայում սպասում են գների կտրուկ աճի

Թուրքիայի կենտրոնական բանկը բարձրացրել է 2026 թվականի գնաճի կանխատեսումը՝ 16 տոկոսից հասցնելով 24 տոկոսի։ Ինչպես հայտնում է Bloomberg Bloomberg-ը, որոշումը պայմանավորված է Մերձավոր Արևելքում ստեղծված էներգետիկ ճգնաժամով և Իրանի շուրջ պատերազմի հետևանքով առաջացած անորոշությամբ։

Թուրքիայի կենտրոնական բանկի ղեկավար Ֆաթիհ Կարահանը հայտարարել է, որ նավթի և վառելիքի գների կտրուկ աճը մեծ ռիսկեր է ստեղծում երկրի տնտեսության համար։ Նրա խոսքով՝ Օրմուզի նեղուցի հնարավոր արգելափակումը կարող է նոր շոկ առաջացնել շուկայում և արագացնել գնաճը։ Կենտրոնական բանկը նաև վերանայել է Brent տեսակի նավթի միջին գնի կանխատեսումը՝ այն բարձրացնելով մինչև մեկ բարելի դիմաց 89,4 դոլար։

Մերձավորարևելյան ճգնաժամը լուրջ հարված է հասցրել նաև Թուրքիայի արժութային պահուստներին։ Էներգակիրների թանկացման ֆոնին երկրի պահուստները սկսել են արագ նվազել, իսկ ընթացիկ հաշվի դեֆիցիտը հասել է 2023 թվականի հունվարից ի վեր ամենաբարձր մակարդակին։