Ռոյթերս. ԱՄՆ-ը պատրաստվում է մեղադրանք առաջադրել Ռաուլ Կաստրոյին

Միացյալ Նահանգները պատրաստվում է մեղադրանք առաջադրել բանակի գեներալ Ռաուլ Կաստրոյին, որը Կուբայի հեղափոխության առաջնորդներից մեկն է։ Այս մասին հինգշաբթի օրը հայտնել է Reuters-ը՝ հղում անելով ԱՄՆ Արդարադատության նախարարության խոսնակին, որը ծառայում է որպես երկրի գլխավոր դատախազի գրասենյակ։

Գործակալությունը նշում է, որ 94-ամյա Կաստրոյի հնարավոր մեղադրանքի առաջադրման ժամկետները դեռևս հայտնի չեն։ Դրա համար Արդարադատության նախարարությունը պետք է ապահովի մեծ ժյուրիի աջակցությունը։

CBS News-ի տվյալներով՝ մեղադրանքները կարող են կապված լինել 1996 թվականի միջադեպի հետ, որի ժամանակ Կուբայի ռազմաօդային ուժերը խոցել են Մայամիում գործող «Եղբայրներ փրկության համար» ներգաղթյալների կազմակերպությանը պատկանող երկու ինքնաթիռ։ Նա պարզաբանել է, որ այս տարվա սկզբին ԱՄՆ Ֆլորիդա նահանգի դատախազությունը վերսկսել է գործի քննությունը։