NYT. ԱՄՆ-ը և Իսրայելը կարող են վերսկսել Իրանի դեմ հարվածները հաջորդ շաբաթ

ԱՄՆ-ն և Իսրայելը ակտիվորեն պատրաստվում են Իրանի դեմ ռազմական գործողությունների հնարավոր վերսկսմանը, հաղորդում է The New York Times-ը՝ հղում անելով իր աղբյուրներին։

Ըստ իրենց աղբյուրների՝ Իսլամական Հանրապետությունը կարող է ենթարկվել նոր հարձակումների արդեն հաջորդ շաբաթ։ ԱՄՆ նախագահ Դոնալդ Թրամփի խորհրդականները պատրաստել են հարվածները վերսկսելու ծրագրեր, սակայն Սպիտակ տունը դեռևս վերջնական որոշում չի կայացրել, նշում է հրատարակությունը։

Աղբյուրի փոխանցմամբ՝ ամերիկացի առաջնորդի կողմից քննարկվող տարբերակների թվում են Իրանի ռմբակոծությունների ինտենսիվացումը և հատուկ նշանակության ուժերի կողմից ցամաքային գործողության անցկացումը՝ իրանական միջուկային օբյեկտներից հարստացված ուրանը դուրս բերելու համար։

Ավելի վաղ NBC News-ը, հղում անելով աղբյուրներին, հայտնել էր, որ Պենտագոնը քննարկում է Իրանի դեմ ռազմական գործողությունը վերանվանել «Սլեջմուրճ» և փոխարինել «Էպիկական ցասում» գործողությամբ, որը սկսվել էր փետրվարի 28-ին, եթե հրադադարը դադարեցվի։