«Սատանան կրում է Prada 2»-ը վերադարձրել է 2000-ականների մթնոլորտը, բայց նոր իրականությամբ

Կինոթատրոններում մեկնարկել է The Devil Wears Prada 2 «Սատանան կրում է Prada 2» ֆիլմի ցուցադրությունը, որը դարձել է 2006 թվականի հայտնի ֆիլմի շարունակությունը։ Նոր մասում կրկին միավորվել են Մերիլ Սթրիփի, Էնն Հեթուեյի, Էմիլի Բլանթի և Սթենլի Տուչիի հերոսները, սակայն այս անգամ նրանք բախվում են մեդիայի և փայլուն ամսագրերի ճգնաժամային իրականությանը։

Ֆիլմի սյուժեի կենտրոնում կրկին լրագրող Էնդի Սաքսն է, որը տարիներ անց վերադառնում է Runway ամսագիր՝ աշխատելու իր նախկին ղեկավար Միրանդա Փրիսթլիի հետ։ Այս անգամ խնդիրները կապված են ոչ միայն նոր մեդիայի ճնշման, այլև ամբողջ փայլուն մամուլի գոյության պահպանման հետ։ Քննադատների կարծիքով՝ ֆիլմը շատ ավելի մռայլ և հասուն է դարձել՝ անդրադառնալով ժամանակակից լրագրության և մեդիայի անկման թեմային։

Չնայած նոստալգիկ մթնոլորտին՝ ֆիլմը ստացել է նաև քննադատություններ։ Որոշ դիտորդներ նշել են, որ շարունակությունը չափազանց իդեալիստական է և ամբողջությամբ չի հրաժարվում այն ստանդարտներից, որոնք տարիներ շարունակ թելադրել էր փայլուն ինդուստրիան։ Այնուամենայնիվ, շատերը համաձայն են, որ ֆիլմը հաջողվել է ոչ միայն որպես նոստալգիկ վերադարձ, այլև որպես ինքնուրույն պատմություն, գրում է Gazeta.ru-ն։