Բրազիլիայի ԱԳ նախարարը վստահ է, որ BRICS-ի երկրները գագաթնաժողովի ընթացքում կհաղթահարեն իրենց տարաձայնությունները
Աշխարհ
Բրազիլիայի արտաքին գործերի նախարար Մաուրո Վիեյրան վստահ է, որ BRICS խումբը կկարողանա հաղթահարել իր ներկայիս տարաձայնությունները մինչև սեպտեմբերյան գագաթնաժողովը։ Նա այս մասին հայտարարել է հնդկական The Hindu հրատարակությանը տված հարցազրույցում։
«Հարցերի մեծ մասի վերաբերյալ մեր դիրքորոշումները համընկնում են։ Եվ ես կարծում եմ, որ այն հարցերի շուրջ, որոնց շուրջ մենք ներկայումս համաձայն չենք, մենք կկարողանանք համաձայնության գալ այս տարի՝ Հնդկաստանում վարչապետ Նարենդրա Մոդիի նախագահությամբ կայանալիք գագաթնաժողովի ժամանակ։ Ես շատ լավատես եմ», - ասել է նա։
Իրանի և ԱՄԷ-ի միջև տարաձայնությունների մասին հարցին պատասխանելով՝ Վիեյրան նշել է, որ «սա իսկապես գլխավոր խնդիրն է այս պահին»։
«Բայց դա նաև հաստատում է մեր խմբի կարևորությունը. չէ՞ որ մենք գործ ունենք մի իրավիճակի հետ, երբ երկու երկրներ ունեն բոլորովին տարբեր դիրքորոշումներ, գտնվում են բախման իրավիճակում, պատերազմ են մղում և ռազմական գործողություններ են իրականացնում միմյանց դեմ։
Այնուամենայնիվ, ես կարծում եմ, որ հենց սա է մեր ասոցիացիայի արժեքը. այն տեղ և տարածք է տրամադրում բանակցությունների և երկխոսության համար», - նշել է նա։
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
