Լոնդոնում բողոքի մեծ ակցիա է սկսվել վարչապետ Քիր Սթարմերի դեմ

Լոնդոնի կենտրոնում մեկնարկել է բողոքի ակցիա՝ ուղղված Մեծ Բրիտանիայի վարչապետ Քիր Սթարմերի դեմ։ Այդ մասին հայտնում է «ՌԻԱ Նովոստի»-ի թղթակիցը։

Ցուցարարները հավաքվել են Ռասել Սքվերի հարակից տարածքում և փակել Քինգսվեյ փողոցն ու հարակից նրբանցքները։ Մասնակիցները ձեռքներին պահում են Անգլիայի, Մեծ Բրիտանիայի, Շոտլանդիայի, Ուելսի և Իռլանդիայի դրոշները։ Ակցիայի ընթացքում հնչում են կարգախոսներ՝ ընդդեմ Սթարմերի, խոսքի ազատության սահմանափակումների և բրիտանական կառավարության միգրացիոն քաղաքականության։

Բողոքի ակցիան ղեկավարում է աջակողմյան հակաիսլամական ակտիվիստ Թոմի Ռոբինսոնը։ Լրագրողների գնահատմամբ՝ ցույցը կարող է դառնալ ամենամարդաշատներից մեկը, քանի որ դրան կարող են միանալ նաև Անգլիայի գավաթի եզրափակչից հետո հավաքված ֆուտբոլային երկրպագուները։