Ֆրանսիան աջակցում է Ուկրաինայի օդային պաշտպանության ամրապնդմանը․ Զելենսկի

Ֆրանսիան աջակցում է Ուկրաինայի օդային պաշտպանության ամրապնդմանը և պատրաստ է աշխատել հակահրթիռային պաշտպանության ուղղությամբ, այս մասին գրել է Ուկրաինայի նախագահ Վոլոդիմիր Զելենսկին։

«Ինչպես միշտ, ես լավ և տեղեկատվական զրույց ունեցա Ֆրանսիայի նախագահ Էմանուել Մակրոնի հետ։ Մենք քննարկեցինք բազմաթիվ հարցեր, և ես շնորհակալ եմ բոլոր ոլորտներում համատեղ համակարգման համար։

Ես շնորհակալություն հայտնեցի Էմանուելին մեր քաղաքների վրա ռուսական հարձակումների սկզբունքային դատապարտման համար։ Ֆրանսիան պատրաստ է աշխատել հակահրթիռային պաշտպանության ոլորտում և ամրապնդել մեր օդային պաշտպանությունը՝ հարձակումները հետ մղելու համար. սա կարևոր քայլ է։

Մենք քննարկեցինք նաև եվրոպական ուղղությունը և մոտ ապագայում բանակցային բոլոր կլաստերների բացումը, ինչին Ֆրանսիան աջակցում է։ Բացի այդ, անդրադարձանք Էմանուելի՝ աֆրիկյան երկրներ առաջիկա այցին՝ կարևորելով այս ոլորտում ևս համատեղ քայլերի համակարգումը»,- գրել է Ուկրաինայի նախագահը։