Սաուդյան Արաբիան որսացել է Իրաքից արձակված երեք անօդաչու թռչող սարք

Սաուդյան Արաբիայի ՀՕՊ ուժերը կիրակի օրը որսացել են Իրաքից արձակված երեք անօդաչու թռչող սարքեր, իր սոցիալական ցանցերի էջում հայտարարել է թագավորության պաշտպանության նախարարության խոսնակ Թուրքի ալ-Մալիքին։

«Կիրակի առավոտյան երեք անօդաչու թռչող սարքեր որսացվել և ոչնչացվել են Իրաքի օդային տարածքից Սաուդյան Արաբիայի օդային տարածք մուտք գործելուց հետո», - ասել է ալ-Մալիքին։

Նա նշել է, որ Պաշտպանության նախարարությունը «իրավունք է վերապահում արձագանքել համապատասխան ժամանակին և վայրում և պատրաստ է ձեռնարկել բոլոր անհրաժեշտ օպերատիվ միջոցները՝ ինքնիշխանությունը խախտելու, ինչպես նաև թագավորության բնակիչների անվտանգությունն ու պաշտպանվածությունը խախտելու ցանկացած փորձի հակազդելու համար»։