Պուտինի Չինաստան այցի ընթացքում կողմերը կքննարկեն գլոբալ հարցեր

Չինաստանի նախագահ Սի Ծինփինը Ռուսաստանի նախագահ Վլադիմիր Պուտինի հետ կքննարկի փոխադարձ հետաքրքրություն ներկայացնող գլոբալ և տարածաշրջանային հարցեր՝ Ռուսաստանի առաջնորդի Չինաստան կատարելիք այցի ընթացքում, ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Գո Ցզյակունը։

«Այցի ընթացքում երկու պետությունների ղեկավարները մտքեր կփոխանակեն տարբեր ոլորտներում երկկողմ համագործակցության, ինչպես նաև փոխադարձ հետաքրքրություն ներկայացնող միջազգային և տարածաշրջանային հարցերի շուրջ», - նշել է դիվանագետը։