Չինաստանի ՊՆ-ը հայտարարել է բանակի պատրաստակամության մասին՝ պահպանելու կայուն կապեր ԱՄՆ զինված ուժերի հետ

Չինաստանի պաշտպանության նախարարության խոսնակ Ցզյան Բինի խոսքով՝ Ժողովրդա-ազատագրական բանակը (ԺԱԲ) պատրաստ է նպաստել ԱՄՆ զինված ուժերի հետ կայուն երկկողմ հարաբերությունների զարգացմանը։

«Մենք պատրաստ ենք համագործակցել Միացյալ Նահանգների հետ՝ երկու երկրների ղեկավարների միջև ձեռք բերված կարևոր համաձայնագրերը կյանքի կոչելու, միմյանց հիմնական շահերն ու մտահոգությունները հարգելու, հիմնական հարցերի շուրջ հաղորդակցությունն ու երկխոսությունը ամրապնդելու, տարաձայնությունները զսպելու, վստահություն կառուցելու և կասկածները լուծելու համար», - գրել է նա Չինաստանի պաշտպանության նախարարության WeChat էջում՝ մեկնաբանելով Չինաստանի նախագահ Սի Ծինփինի և ԱՄՆ նախագահ Դոնալդ Թրամփի միջև վերջերս կայացած հանդիպումը, որի ընթացքում երկու կողմերը համաձայնել են ավելի արդյունավետ օգտագործել ռազմական մակարդակի հաղորդակցման ուղիները։

Խոսնակը պարզաբանել է, որ Պեկինը պատրաստ է համագործակցել Վաշինգտոնի հետ՝ միջռազմական հարաբերությունների զարգացումը «կայուն և ճիշտ ուղղությամբ» ուղղորդելու և դրական դեր խաղալու «երկկողմ հարաբերությունների և ամբողջ աշխարհի պայծառ ապագայի» համար։

Նա նշել է, որ Սի Ծինփինի վերջին հանդիպումը Թրամփի հետ հաջող էր և թույլ է տվել նրանց համաձայնության գալ «ռազմավարական կայունության կառուցողական հարաբերություններ» ձևավորելու հարցում։