«Հեզբոլլահը» հրապարակել է մեկ ամսվա ընթացքում իսրայելական տանկերի քանակը

Շիական «Հեզբոլլահ» շարժման զինված ստորաբաժանումները մեկ ամսվա ընթացքում շարքից դուրս են բերել իսրայելական բանակի 48 տանկ, հաղորդում է ՏԱՍՍ-ը՝ հղում անելով շարժման հաղորդագրությանը։

Հայտարարության մեջ նշվում է, որ «Հեզբոլլահի» մարտիկները ապրիլի 16-ից մայիսի 17-ը Իսրայելի դեմ իրականացրել են 339 ռազմական գործողություն։ Այդ գործողությունների ընթացքում հարձակման են ենթարկվել 15 հրամանատարական կետ, երեք զորանոց, երկու ռազմական բազա, յոթ հրետանային դիրք և ուղղաթիռի վայրէջքի հրապարակ։ Ուղղորդվող հրթիռներն ու անօդաչու թռչող սարքերը ամբողջությամբ կամ մասնակիորեն շարքից դուրս են բերել 48 տանկ, 18 զրահափոխադրիչ և 12 ամենագնաց մեքենա։

«Հեզբոլլահը» թշնամու կորուստները գնահատել է մոտավորապես 250։