Ռուսաստանում բացահայտել են Պուտինի Չինաստան այցի նախապատրաստության մանրամասները
Ռուսաստան
Ռուսաստանի Դաշնության խորհրդի միջազգային հարցերով հանձնաժողովի նախագահի առաջին տեղակալ Անդրեյ Դենիսովը հայտարարել է, որ Ռուսաստանի նախագահ Վլադիմիր Պուտինի Չինաստան նախատեսված այցի նախապատրաստությունը իրականացվել է «շատ լուրջ մակարդակով»։ Նրա խոսքերը փոխանցում է РИА Новости գործակալությունը։
Դենիսովի խոսքով՝ Ռուսաստանի և Չինաստանի ղեկավարների հանդիպումները միշտ ընդգրկում են երկկողմ հարաբերությունների և միջազգային օրակարգի ամբողջ շրջանակը։ Նա ընդգծել է, որ Մոսկվայի և Պեկինի առաջնորդները երբեք չեն հանդիպում պարզապես հանդիպելու համար, այլ վարում են լիարժեք և բովանդակալից բանակցություններ։
Վլադիմիր Պուտինի այցը Չինաստան, որը կազմակերպվում է Չինաստանի նախագահ Սի Ցզինպինի հրավերով, նախատեսված է մայիսի 19-20-ը։ Կրեմլի ներկայացուցիչ Դմիտրի Պեսկովը հայտարարել է, որ Մոսկվայում մեծ ակնկալիքներ ունեն առաջիկա այցից։


















































Ամենադիտված
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը