Իսրայելը հայտարարել է Գազայի հատվածի կեսից ավելին գրավելու մասին

«Իսրայելական ուժերը վերահսկում են Գազայի հատվածի կեսից ավելիին», -հայտարարել է վարչապետ Բենիամին Նեթանյահուն կառավարության նիստում, գրում է Al Jazeera-ն։

«Դա արդեն կազմում է 60%», - ասել է վարչապետը։

Նիստին ներկա պաշտպանության նախարար Իսրայել Կացը հայտարարել է. «Հնարավոր է՝ դա փոխվել է վերջին մեկ ժամվա ընթացքում»։

Այս 60% գնահատականը ներառում է ինչպես Իսրայելի ռազմական լիակատար վերահսկողության տակ գտնվող տարածքները, այնպես էլ այն գոտիները, որտեղ Իսրայելի պաշտպանության ուժերի ստորաբաժանումները մարտական ​​գործողություններ են իրականացնում։