Իսրայելը գրավել է մոտ հազար քառակուսի կիլոմետր տարածք

«Financial Times»-ը գրում է, որ Իսրայելը «գրավել» է մոտավորապես 1000 քառակուսի կիլոմետր տարածք՝ 2023 թվականի հոկտեմբերի 7-ին ՀԱՄԱՍ-ի կողմից երկրի վրա հարձակումից ի վեր, հղում անելով սեփական հաշվարկներին։

«Հաշվարկների համաձայն իսրայելական զորքերը դիրքեր են գրավել Գազայի հատվածում, Լիբանանում և Սիրիայում՝ վերահսկողություն հաստատելով Իսրայելի 1949 թվականի սահմանների մոտավորապես 5%-ին համարժեք տարածքների վրա», - նշվում է հոդվածում։

Ինչպես նշում է «Financial Times»-ը, «գրավված» տարածքի կեսից ավելին գտնվում է Լիբանանի հարավում, որտեղ իսրայելական ուժերը մի քանի տասնյակ կիլոմետր առաջ են շարժվել՝ ստեղծելով այն, ինչը իսրայելցի պաշտոնյաները անվանում են «անվտանգության գոտի»։ Մնացած 500 քառակուսի կիլոմետր տարածքը բաժանված է Գազայի հատվածի և Սիրիայի միջև։

Իսրայելի պաշտպանության բանակը հրաժարվել է մեկնաբանություն տալ, սակայն նշել է, որ զորքերը «տեղակայվել են սահմանային շրջաններում և տարբեր օպերատիվ գոտիներում»։