Ռուսաստանը հայտարարել է հարյուրավոր ուկրաինական անօդաչուների և ավիառումբերի խոցման մասին

Ռուսաստանի պաշտպանության նախարարությունը հայտնել է, որ Ուկրաինայի զինված ուժերը Ռուսաստանի ուղղությամբ կիրառել են հարյուրավոր անօդաչու թռչող սարքեր և կառավարվող ավիառումբեր։ Գերատեսչության տվյալներով՝ ռուսական հակաօդային պաշտպանության համակարգերը խոցել են 651 անօդաչու սարք և հինգ կառավարվող ավիառումբ։

Ռուսական կողմը նշել է, որ ոչնչացված բոլոր անօդաչուները ինքնաթիռային տիպի են եղել։ Միաժամանակ պաշտպանության նախարարությունը լրացուցիչ մանրամասներ չի ներկայացրել հարձակումների կամ հնարավոր վնասների վերաբերյալ։

Ավելի վաղ հաղորդվել էր, որ մայիսի 19-ի գիշերը Ռուսաստանի 19 շրջաններում և Ազովի ծովի տարածքում խոցվել է 315 ուկրաինական անօդաչու թռչող սարք։ Ռուսաստանի պաշտպանության նախարարության փոխանցմամբ՝ հարվածների թիրախ են դարձել երկրի տարբեր շրջաններ։