Մերց. Գերմանիան ուշադիր հետևում է Պուտինի Չինաստան կատարած այցին

Գերմանիայի իշխանությունները ուշադիր հետևում են Ռուսաստանի նախագահ Վլադիմիր Պուտինի Չինաստան կատարած այցին, սակայն չեն սպասում որևէ փոփոխության Մոսկվայի և Պեկինի միջև ռազմավարական հարաբերություններում: Այս մասին Բեռլինում հայտարարել է Գերմանիայի կանցլեր Ֆրիդրիխ Մերցը Շվեյցարիայի նախագահ Գի Պարմելենի հետ համատեղ մամուլի ասուլիսում։

«Մենք, իհարկե, շատ ուշադիր հետևում ենք նախագահ Պուտինի Պեկին կատարած այցին», - ասել է նա՝ հավելելով, որ Գերմանիան նաև «հետևել է Չինաստանի նախագահ Սի Ցզինպինի և ԱՄՆ նախագահ Դոնալդ Թրամփի միջև Պուտինի այցին] նախորդած հանդիպման ժամանակ արված տարբեր հայտարարություններին»։

«Մենք ներկայումս չենք սպասում Ռուսաստանի և Չինաստանի միջև ռազմավարական հարաբերություններում հիմնարար փոփոխություն», - նշել է Մերցը: Միևնույն ժամանակ, կանցլերը պնդել է, որ Գերմանիայի իշխանությունները հույսեր են կապում Պուտինի այցի հետ, որ Չինաստանը «ազդեցություն կգործադրի» Ռուսաստանի վրա՝ Ուկրաինայում հակամարտությունը դադարեցնելու համար։