Ռուսաստանում ներկայացրել են FPV դրոնների գործարկումն արագացնող «Օպտոմատ-300»-ը

Ռուսական «Օպտոմատ-300» համալիրն էապես արագացրել է FPV դրոնների պատրաստման և գործարկման գործընթացը։ Այս մասին «Известия» թերթին հայտնել է «Հիմնարար տեխնոլոգիաներ» ընկերության նախագահ Վյաչեսլավ Նեչաևը։

Նրա խոսքով՝ ավտոմատ ռեժիմով աշխատող շարժական սարքը թույլ է տալիս անմիջապես առաջնագծում և դաշտային արհեստանոցներում հավաքել FPV դրոնների համար նախատեսված օպտիկամանրաթելային կապի կծիկներ։ Համալիրի չափերը հնարավորություն են տալիս այն տեղափոխել նույնիսկ թեթև մարդատար ավտոմեքենայով։ «Օպտոմատ-300»-ի միջոցով օրական հնարավոր է պատրաստել մինչև 20 կծիկ՝ յուրաքանչյուրը 20 կիլոմետր երկարությամբ մալուխով։

Մշակողների խոսքով՝ սարքը գրեթե ամբողջությամբ վերացնում է արտադրական խոտանը և թույլ է տալիս ճշգրիտ հաշվարկել անհրաժեշտ մալուխի երկարությունը, ինչը նվազեցնում է դրոնի քաշը։ Ավելի վաղ Ռուսաստանում նաև հայտնել էին կամիկաձե դրոնների թռիչքի հեռավորությունն ավելացնելու նոր համակարգի և «կրակեցրու ու մոռացիր» սկզբունքով աշխատող գիշերային FPV դրոնների փորձարկումների մասին։