Սիրիան հայտարարել է իր վրա Իսրայելի կատարած հարձակման նպատակի մասին
Մերձավոր Արևելք
Սիրիայի կառավարական բանակը հայտարարել է, որ հունվարի 30-ին իսրայելական ռազմաօդային ուժերը հարձակում են գործել Դամասկոսի արվարձաններից մեկի՝ Ջամրայայի ուղղությամբ: Հրամանատարության հայտարարությունը տարածել է ՍԱՆԱ պետական գործակալությունը:
Ինչպես նշված է հաղորդագրության մեջ, Սիրիայի օդային սահմանը խախտվել է իսրայելական օդանավերի կողմից չորեքշաբթի առավոտյան: Ինքնաթիռները եղել են գերցածր բարձրության վրա, որի շնորհիվ էլ ռադարները արձանագրել են խախտումը:
Միջադեպի արդյունքում, որը սիրիական զինվորականությունը որակել է որպես արաբների և մուսուլմանների դեմ ագրեսիայի շարքի հերթական ակտ, զոհվել է տեղում գտնվող պաշտպանության որակը բարձրացնելու նպատակով գործող հետազոտող կենտրոնի 2 աշխատակից, վիրավորվել ևս 5-ը:
Սիրիական զինվորական հրամանատարութունը հերքել է լուրերն այն մասին, թե իսրայելական ռազմաօդային ուժերը հարված են հասցրել Սիրիայից Լիբանան զինամթերք տեղափոխող երկու երկրների սահմանամերձ հատվածում գտնվող ավտոշարասյանը:
Իսրայելի ներկայացուցիչները պաշտոնապես չեն մեկնաբանել ավիահարձակման փաստը: Իսկ ԶԼՄ-ներում արդեն շրջանառվում են լուրերն այն մասին, թե հարվածը հասցվել է այն տեղանքին, որտեղ Սիրիան կարող էր քիմիական զենք պահել:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
