Ես գիտեմ` Սրբազանը դեռ շատ մեծ անելիքներ ունի մեր պետության ու մեր ազգի կյանքում. Լիդիա Մանթաշյան

Լիդիա Մանթաշյանը գրում է՝

«Ես 45-ամյակն եմ հիշում, սա այդ օրվա նկար է... ինչ երջանիկ էինք թեմի երիտասարդներով, որ հենց Բագրատ Սրբազանն է մեր առաջնորդը
Սրբազանի պատկառանքի զգացումն անչափելի է... Ես այնքան երջանիկ եմ, որ իր ժամանակակիցն եմ ու հնարավորություն ունեմ շփվելու իր հետ, իրենից սովորելու և իրենից ազդված լինելու համար:
Մենք բոլորս էլ սխրանք գործելու ներքին ցանկություն ունենք, բայց երբ ստանում ենք դրա հնարավորությունը, մարդկայնորեն սկսում ենք տատանվել, վախենալ, կասկածել... Սրբազանը իմ ճանաչած ամենաանվախն է այդ հարցում...
Ես գիտեմ, որ Սրբազանի ծնունդը եղել է միայն ու միայն Տիրոջ կամքով: Սրբազանի կյանքի ամբողջ պատմությունը դրա մասին է վկայում:
Ես գիտեմ` Սրբազանը դեռ շատ մեծ անելիքներ ունի մեր պետության ու մեր ազգի կյանքում:
Չնայած այսօր իր ձեռքերը կապված են, միևնույն է, վստահ եմ` նա այն վեմն է, որի վրա էլ հենց կառուցվելու է ամենը... (չափազանցություն ու մեծախոսություն չհամարեք):
Վերջին տասը տարվա մեջ առաջին անգամ այս օրը իրեն չեմ տեսնելու, չեմ շնորհավորելու, բայց ոչինչ, պայքարի այս ճանապարհի մեջ թող դա էլ մի փոքր զրկանք համարվի...
Շնորհավոր ամենաՍրբազանի ծնունդը: Գնահատենք մարդկանց իրենց կյանքի օրոք: Չնայած` Սրբազանն իր երկրային կյանքից հետո էլ մեծ անելիք ունի իր արդեն թողած գրավոր ու բանավոր ժառանգության, իր վարքի միջոցով...»,-գրել է նա։