Euractiv. Հինգ երկիր առաջարկել է Արևմտյան Բալկանների փուլային անդամակցություն ԵՄ-ին

Ավստրիան, Իտալիան, Սլովակիան, Սլովենիան և Չեխիան կոչ են արել Եվրոպական հանձնաժողովին վերանայել Արևմտյան Բալկանների պոտենցիալ անդամ պետություններին ԵՄ միասնական շուկա ներգրավելու իր մոտեցումը: Սա նպատակ ունի կանխելու նրանց Ռուսաստանի և Չինաստանի ազդեցության ոլորտ ընկնելը, հաղորդում է Euractiv-ը՝ հղում անելով ԵՄ փաստաթղթին։

«Ընդլայնման թափը պահպանելու և եվրոպական ինտեգրացիան առաջ մղելու համար անհրաժեշտ են ուժեղ և գրավիչ խթաններ», - գրել են փաստաթղթի հեղինակները, որոնք քաղաքական աջակցություն են ցուցաբերում Ալբանիայի, Հյուսիսային Մակեդոնիայի, Սերբիայի և Չեռնոգորիայի ԵՄ անդամակցության ձգտումներին:

Նրանք կարծում են, որ նոր մոտեցումը կօգնի ԵՄ-ին ամրապնդել իր աշխարհաքաղաքական ազդեցությունը և հակադրվել Մոսկվայի կամ Պեկինի ազդեցությանը: «Եվրոպական միասնական շուկա մուտք գործելը, անհրաժեշտության դեպքում՝ փուլային, ներկայացնում է նման խթան», - նշվում է փաստաթղթում։

Հեղինակները առաջարկվող մոդելը նկարագրում են որպես «համակարգված ոլորտային ինտեգրացիա»: «Աստիճանական ինտեգրացիան պետք է ակտիվորեն և համակարգված կիրառվի, երբ թեկնածու երկիրը համապատասխան բաժնում ցույց է տվել ԵՄ օրենսդրության բարձր մակարդակ», - նշվում է փաստաթղթում։

Միաժամանակ, նշվում է, որ պետք է ապահովվեն պաշտպանիչ միջոցներ այն դեպքում, եթե ԵՄ շուկա մուտք գործելու հատուկ հնարավորություն ունեցող երկիրը սկսի շեղվել դրանից։