Ռուսաստանը և Չինաստանը Միացյալ Նահանգներին ազնվության կոչ են արել

Ռուսաստանը և Չինաստանը կոչ են արել Միացյալ Նահանգներին բարի կամքով աշխատել ռազմավարական կայունության ամրապնդմանը նպաստող պայմաններ ստեղծելու ուղղությամբ, ասվում է Ռուսաստանի և Չինաստանի համատեղ հայտարարության մեջ։

Կրեմլի կայքում հրապարակվել է Մոսկվայի և Պեկինի համատեղ հայտարարությունը համապարփակ գործընկերության և ռազմավարական փոխգործակցության հետագա ամրապնդման, բարիդրացիական, բարեկամական և համագործակցային հարաբերությունների խորացման վերաբերյալ։

«(Կողմերը) կոչ են անում Միացյալ Նահանգներին բարի կամքով աշխատել ռազմավարական կայունության ամրապնդմանն ուղղված համատեղ համապարփակ ջանքերին նպաստող համապատասխան պայմաններ ստեղծելու ուղղությամբ», - ասվում է հայտարարության մեջ։