Չեխիան կարգելափակի ԵՄ-ի կողմից Իսրայելի դեմ առևտրային պատժամիջոցները
Աշխարհ
Չեխիայի Հանրապետությունը թույլ չի տա ԵՄ-ի կողմից Իսրայելի դեմ հետագա առևտրային պատժամիջոցներ և, անհրաժեշտության դեպքում, կարգելափակի դրանք։ Այս մասին հայտարարել է Չեխիայի արտաքին գործերի նախարար Պետր Մացինկան՝ երկրում գտնվող Իսրայելի արտաքին գործերի նախարար Գիդեոն Սաարի հետ բանակցություններից հետո տեղի ունեցած մամուլի ասուլիսում։ Ասուլիսը հեռարձակվել է ČTK լրատվական գործակալության կողմից։
«Մենք թույլ չենք տա ԵՄ-ի կողմից Իսրայելի դեմ որևէ հետագա առևտրային պատժամիջոցներ, նույնիսկ եթե մենք միակ անդամ պետությունը լինենք, որը կարգելափակի դրանց ընդունումը։ Մենք, անշուշտ, թույլ չենք տա, որ ԵՄ-ի և Իսրայելի միջև Ասոցացման համաձայնագիրը չեղյալ հայտարարվի կամ սառեցվի», - ասել է Մացինկան։ Նա նաև ընդգծել է, որ Չեխիայի Հանրապետությունը «պնդել է, որ ոչ մի իսրայելցի քաղաքական գործիչ չի կարող ենթարկվել պատժամիջոցների»։
«Իսրայելը շատ թշնամիներ ունի և քիչ ընկերներ, և ես ուզում եմ հստակեցնել՝ Չեխիայի Հանրապետությունը Իսրայելի բարեկամներից մեկն է», - ասել է Չեխիայի արտաքին գործերի նախարարը։ Նա կոչ է արել արագ ավարտել Իսրայելում Չեխիայի դեսպանատունը Թել Ավիվից Երուսաղեմ տեղափոխելու գործընթացը։
«Ես անձամբ կցանկանայի դա», - նշել է Մացինկան՝ հիշեցնելով, որ որոշումը պատկանում է Չեխիայի կառավարությանը։
ՈՒՂԻՂ ԵԹԵՐ
Ամենադիտված 
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը
