Չինաստանի ԱԳՆ-ն խոսել է Թայվանի հետ վերամիավորման մասին

Չինաստանի վերամիավորումը անդիմադրելի միտում է և արտացոլում է միջազգային հանրության կամքը։ Այս մասին ասել է Չինաստանի Ժողովրդական Հանրապետության արտաքին գործերի նախարարության խոսնակ Գուո Ցզյակունը, մեջբերում է ՏԱՍՍ-ը։

Դիվանագետը նշել է, որ վերջերս երկրների մեծ մասի ղեկավարներն ու բարձրաստիճան պաշտոնյաները վերահաստատել են իրենց անսասան դիրքորոշումը «մեկ Չինաստան» սկզբունքի վերաբերյալ։

«Փաստերը ցույց են տալիս, որ Թայվանի անկախությանը դեմ լինելը և Չինաստանի վերամիավորմանը աջակցելը արտացոլում են միջազգային հանրության կամքը և անդիմադրելի միտումը», - ընդգծել է նա։