Կհստակեցվի կենսաթոշակը լիազորագրով վճարելու ընթացակարգը. «Փաստ»

Աշխատանքի և սոցիալական հարցերի նախարարությունն առաջարկում է փոփոխություններ և լրացումներ կատարել կառավարության 2011 թվականի մայիսի 5-ի թիվ 670-Ն որոշման մեջ։ Կենսաթոշակներն ու պետական նպաստները բացառապես անկանխիկ եղանակով վճարվող համակարգը ներդրվեց 2026 թվականի ապրիլի 1-ից։

Բանկային նվազագույն ծառայություններից ինքնուրույն ամբողջ ծավալով օգտվել չկարողացող շահառուների համար նախատեսվում է բանկային քարտով սպասարկման հարմարեցված մեխանիզմներ։ Լուծումները ներառում են նաև կառավարության 2020 թվականի մարտի 12-ի N 284-Ն որոշմամբ սահմանված օրինակելի պայմանագրում ծառայության և բանկի գործառույթների վերանայումն ու նման շահառուների առաջնահերթ հայտնաբերումը։