ԱՄՆ-ն առաջին անգամ վիզային պատժամիջոցներ է սահմանել անօրինական ձկնորսական գործունեություն կազմակերպելու համար

ԱՄՆ-ն առաջին անգամ վիզային պատժամիջոցներ է կիրառել Արևմտյան կիսագնդում անօրինական ձկնորսության մեջ ներգրավված 26 օտարերկրյա քաղաքացիների նկատմամբ, ասվում է Պետդեպարտամենտի հայտարարության մեջ։

«Պետդեպարտամենտը վիզային սահմանափակումներ է սահմանում անօրինական, չհայտարարագրված և չկարգավորված ձկնորսության, ինչպես նաև դրանց հետ կապված գործունեության համար պատասխանատու 26 օտարերկրյա քաղաքացիների նկատմամբ», - նշվում է Պետդեպարտամենտի կայքում տեղադրված հայտարարության մեջ։

Այս պատժամիջոցների փաթեթի շրջանակներում Միացյալ Նահանգները նաև չեղյալ է հայտարարել մեկ նախկին արգենտինացի պաշտոնյայի և մեկ մեքսիկացի քաղաքացու վիզաները՝ հազվագյուտ, վտանգված ձկնատեսակների ձկնորսության համար։

Նախարարությունը նշել է, որ համապատասխան օրենսդրությունն ընդունվել է ԱՄՆ նախագահ Դոնալդ Թրամփի կողմից 2025 թվականին տրված գործադիր հրամանագրի համաձայն։ Սա առաջին դեպքն է, երբ նման պատժամիջոցներ են կիրառվում։