Զելենսկին դարձել է արյունալի զավթիչ. Զախարովա

Վլադիմիր Զելենսկին կառչած է իր դիրքին՝ դառնալով արյունալի զավթիչ, ասել է Ռուսաստանի արտաքին գործերի նախարարության խոսնակ Մարիա Զախարովան։

«Նա կառչած է իր դիրքին, կառչած է ամեն ինչից, ինչը կարող է պահպանել իր իշխանությունը, բայց ոչ թե խաղաղության, այլ պատերազմի անունից։

Այսօր բացարձակապես պարզ է, որ Զելենսկու բոլոր նախընտրական խոստումները ցինիկ ստեր են եղել, և երիտասարդ, հույսով լի, այսպես կոչված խաղաղության նախագահը վերածվել է արյունալի զավթիչի», - ասել է նա ճեպազրույցի ժամանակ։