Եվրահանձնաժողովը կանխատեսում է ԵՄ պետական պարտքի աճ

Եվրահանձնաժողովը կանխատեսում է, որ առաջիկա տարիներին Եվրամիության երկրների պետական պարտքը կշարունակի աճել։ Այս մասին հայտնում է РИА Новости-ն՝ հղում անելով ԵՄ տնտեսության հարցերով հանձնակատար Վալդիս Դոմբրովսկիսին։

Նրա խոսքով՝ Մերձավոր Արևելքում պատերազմի հետևանքով առաջացած էներգետիկ ճգնաժամը և Եվրամիության տնտեսական աճի դանդաղումը բացասաբար են ազդում եվրոպական տնտեսության վրա։ Եվրահանձնաժողովի գնահատմամբ՝ ԵՄ երկրների պետական պարտքը 2025 թվականի ՀՆԱ-ի 82,8 տոկոսից մինչև 2027 թվականը կհասնի 85,3 տոկոսի։

Դոմբրովսկիսը նաև նշել է, որ ԵՄ միջին բյուջետային դեֆիցիտը նույնպես կավելանա․ եթե 2025 թվականին այն կազմի ՀՆԱ-ի 3,1 տոկոսը, ապա 2026-ին կհասնի 3,5 տոկոսի, իսկ 2027-ին՝ 3,6 տոկոսի։ Ավելի վաղ Եվրահանձնաժողովի ներկայացուցիչները հայտարարել էին, որ Եվրամիությունը չի պատրաստվում նվազեցնել Ռուսաստանի և Բելառուսի պարարտանյութերի ներմուծման մաքսատուրքերը՝ նույնիսկ տնտեսական ճգնաժամի պայմաններում։