Կրեմլը ռուս-բելառուսական զորավարժությունները «ազդանշան» է անվանել

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ցանկացած ռազմական զորավարժություն, այդ թվում նաև Ռուսաստանի և Բելառուսի համատեղ ներկայիս զորավարժությունները, համարվում են ազդանշան և ռազմական կառուցման մաս։ Այս մասին փոխանցում է ՏԱՍՍ-ը։

Պեսկովի խոսքով՝ նման զորավարժությունները կարևոր դեր ունեն բանակի պատրաստվածության և ռազմական համակարգի զարգացման գործընթացում։ «Ցանկացած զորավարժություն ռազմական կառուցման բաղկացուցիչ մասն է, և ցանկացած զորավարժություն ազդանշան է», — նշել է Կրեմլի պաշտոնական ներկայացուցիչը։

Ռուսաստանն ու Բելառուսը վերջին տարիներին պարբերաբար անցկացնում են համատեղ լայնածավալ ռազմական վարժանքներ՝ ֆոնին տարածաշրջանային անվտանգության շուրջ աճող լարվածության։ Մոսկվան և Մինսկը հայտարարում են, որ համագործակցությունը նպատակ ունի ուժեղացնել Միութենական պետության պաշտպանական հնարավորությունները։