Ռուսաստանի հետ ԵՄ բանակցողը պետք է վայելի իր ժողովրդի վստահությունը․ ՌԴ ԱԳՆ

Ռուսաստանի հետ Եվրամիության բանակցողը պետք է վայելի իր ժողովրդի վստահությունը և ներդրում ունենա բանակցային գործընթացում։ Այս մասին հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան նախարարության կայքում հեռարձակված ճեպազրույցի ժամանակ։

«Սրանք պետք է լինեն մարդիկ, ովքեր վայելում են իրենց երկրների ժողովրդի վստահությունը, ովքեր չեն իջել և չեն իջնի բացահայտ ազգայնականության, մասնավորապես՝ ռուսաֆոբիայի, և ովքեր ունակ են կառուցողական ներդրում ունենալ բանակցային գործընթացում», - ասել է դիվանագետը։

Նա նաև հավելել է, որ Ռուսաստանը չի մերժել ռուս-ուկրաինական հակամարտության կարգավորման ուղիների վերաբերյալ էական քննարկումները։