Մեդվեդևը հայտարարել է, որ Ուկրաինան կարող է կորցնել նոր տարածքներ

Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Ուկրաինան մոտ ապագայում կարող է կորցնել նոր տարածքներ։ Այս մասին նա գրել է Max սոցիալական հարթակում կատարած հրապարակման մեջ։

Մեդվեդևի խոսքով՝ Խորհրդային Միության փլուզումից հետո Ուկրաինան արդեն կորցրել է իր տարածքների ավելի քան 20 տոկոսը։ Նրա կարծիքով՝ երկրի տարածքային կորուստները կարող են շարունակվել նաև առաջիկայում։ «Պետության հիմնական հատկանիշներից մեկը սեփական տարածքի նկատմամբ կայուն վերահսկողությունն է», — նշել է ռուս պաշտոնյան։

Նա նաև հայտարարել է, որ Ուկրաինայում, իր գնահատմամբ, շարունակվում է համակարգային ճգնաժամը, իսկ Արևմուտքի աջակցությունն ու ՆԱՏՕ-ին անդամակցության խոստումները չեն կարող կանգնեցնել այդ գործընթացը։ Ավելի վաղ Մեդվեդևը համեմատել էր Կիևի ներկայիս իշխանություններին 1990-ականների Իրաքի ղեկավարության հետ՝ անդրադառնալով Ուկրաինայի ռազմական հնարավորությունների վերաբերյալ հայտարարություններին։