Հունգարիայի վարչապետը հայտարարել է, որ Եվրոպան կարող է կրկին վերադառնալ ռուսական գազին

Հունգարիայի վարչապետ Պետեր Մադյարը հայտարարել է, որ Ուկրաինայի պատերազմի ավարտից հետո Եվրամիության երկրները, հավանաբար, կվերադառնան ռուսական գազի գնումներին։ Այս մասին, ինչպես փոխանցում է Rzeczpospolita-ն, նա ասել է լեհական պարբերականին տված հարցազրույցում։

Մադյարի խոսքով՝ ռուսական գազը շարունակում է մնալ ավելի էժան, իսկ շուկայի մրցակցային և աշխարհագրական գործոնները ստիպում են եվրոպական երկրներին հաշվի առնել այդ հանգամանքը։ «Կարծում եմ՝ պատերազմի ավարտից հետո ամբողջ Եվրամիությունը կվերադառնա ռուսական գազի գնմանը, որովհետև այն ավելի մատչելի է», — նշել է Հունգարիայի վարչապետը։

Միաժամանակ հրապարակված տվյալների համաձայն՝ 2026 թվականի առաջին եռամսյակում Հունգարիա մատակարարվող ռուսական խողովակաշարային գազի ընդհանուր արժեքը նվազել է 27 տոկոսով՝ նախորդ տարվա նույն ժամանակահատվածի համեմատ։ Ամենախոշոր գնորդների թվում, բացի Հունգարիայից, ընդգրկվել են նաև Բուլղարիան և Հունաստանը։